إذا كان كمال الودغيري اشتغل في الناسا فالمغرب مليئ بما هو أحسن منه

 كمال الودغيري

كمال الودغيري، من الناس اللي ضحكات ليهم الدنيا، هو دابا عاليم كبير فالناسا و مكلف ببحث حول المرّيخ، عطاه المليك وسام ف 2012 كونو أول "مغربي" تيوصل لوكالة الأبحاث الفضائية الأمريكية.

تسابقو كاع رجالات الدولة باش يتصاحبو معاه و أولهم أندري أزولاي.

هاد السيد وصل للناسا ماشي حيت قرّاي و كان سيونص ماط، لا لا

عندنا ألاف ديال الدراري سيونص ماط فالمغريب و الله غالب ما قدروش يفوتو حتى الحدود ديال مدينتهوم، أنا تنعرف صديق قرا معايا كان مجهد بزاف فالماط، ما خلاّ مسكين فين دفع، حتا التعليم و ما دازش فيه حيت مقوّدة عليه.

حاليا راه كاري كراج و تيدير المراجعة للدراري الصغار فالرياضيات.

كمال الودغيري غير من لكنية تعطيك لخبار، عائلية فاسية من أبناء الباء المقدّس، مشا للميريكان ف 1986 و باش تمشي ديك لوقيتة للزطازن و تقرا فيها خاص والديك يكون عندهوم الأواني النحاسية.

وفّرات ليه عائلتو الموارد المالية باش يقرا فخاطرو فميريكان، و نفسانيا كان مرتاح و كلشي كاين، فزاد قرا و نجح فقرايتو.

عكس داك الصديق ولد حومتي بلمكرّد لاخور، اللي ما لقاش اللي يدفعو و بقا حاصل معايا هنا.

كمال الودغيري هو مهندس فضاء أمريكي عندو الباسبور الميريكاني و أي حاجة دارها فهي بإسم الولايات المتحدة الأمريكية، لكن كيف ما قلت فستاتو سابق كاين شي مغاربة واخا يمشيو للمرّيخ باقا فيهم ديك التالحاست و يبغيو يعيقو على قرانهوم لمغاربة و يبيّنو حبّهم و تعلّقهم الزائد بالوطن و هادشي بالضبط اللي تيدير فيه دابا السي الودغيري فاش تيدخل للمغريب، رغم أنه عارف كون بقا هنا كون راه دابا جهدو أستاذ دالرياضيات فتينغير تيقّري مع سليمان محمود sliw.

شحال من واحد دابا ضاع هْنا فقط حيت ما لقاش عائلة موراه تدفع بيه، الذكاء و لقراية بوحدها لا تكفي فهاد لبلاد د الزب.