التقرير السنوي ديال والي بنك المغرب 2018
شي واحد يشرح ليا علاش "والي" بنك
المغرب كايقدم التقرير السنوي ديالو گدام الملك ؟؟
و علاش ما كايقدموش گدام وزير المالية اللي منطقيا هو الوزير المسؤول على السياسات الاقتصادية و المالية للمغرب (نظريا طبعاً)، و بذلك والي بنك المغرب خصو يقدم ليه هو التقرير ديالو لأنه هو المسؤول الاول تراتبيا عليه و ليس الملك؟
و علاش والي بنك المغرب ما كايقدمش التقرير ديالو قدام البرلمان او الحكومة أو على الأقل على الاقل گدام الصحافة بحال الدول الديمقراطية
و زايدون بغيت نفهم، دازت دابا سيمانة على تقديم هاداك التقرير، و مازال ماكاينش فالموقع ديال بنك المغرب لا بالعربية و لا بالفرنسية. علاش؟
كاين غير بالانجليزية و فيه 291 صفحة كلها بالانجليزية. علاه شحال من مغربي فديك 40 مليون كايفهم الانجليزية، و كايفهم الاقتصاد بالانجليزية؟
واش هاداك التقرير حاطينو لينا حنا، ولا حاطينو لترامب ردا على التقرير السنوي لوزارة الخارجية الأمريكية باش يگولو ليه: راه واخا هاكاك راه المغرب زوين؟
و زايدون، قارنت التقرير السنوي للبنك الفرنسي مع ديال المغرب، لقيت التقرير الفرنسي هضر مرة وحدة على الشوماج، و ما كايتدخلش لا فعمل الحكومة الفرنسية ولا في أزمات الدول الاخرى، في حين تقرير بنك المغرب كايهضر 51 مرة على الشوماج ماشي غير الي فالمغرب، بل حتى الي فميريكان و فأوروبا. و والي بنك المغرب داير راسو ولي و وصي و مراقب و مفتش ديال الحكومة المحكومة المغربية.
تعليقات
إرسال تعليق