صباح التأهل لنصف نهائي عصبة الأبطال الإفريقية

الشركة المكلفة بالملاعب في المغرب

صباح التأهل لنصف نهائي عصبة الأبطال الإفريقية،  ودكشي ديال مقنع ماشي مقنع المستوى ما المستوى لايعنيني، ولكن لي ضرني

 بزاف البارح وشفت فيه استهتار بالناس وقلة لعفة والاحترام، هو التدبير ديال الشركة لي مكلفة بالملعب، مكفاهاش المهزلة لي دارت ف انها بغات تلغي شراء التذاكر بالانترنت وتردنا خمس سنين للخلف لولا تدخل السلطات المحلية، كملاتها بأنها خلات الملاعب بالأزبال لي بقات من المباراة السابقة ديال الرجاء، متنلومش الناس لي خلاو الأزبال هادو هوما لمغاربا فيهم وفيهم ف كل الفرق، وعاد الناس خرجات مقلقة من النتيجة، ولكن باش نتي مولاتي الشركة، لي عندك نسبة من الأرباح، ومكلفة بالتدبير، تبيع لي تذكرة باش نمشي انا وأسرتي، وندخل نلقا الملعب كلو أزبال ونكلسو وسط الزبل ، ومكلفتيش نفسك الصباح تجيب شركة ديال التنظيف ومشيتي تنعس، راه قمة الاستهتار بالناس وقلة الاحترام وانعدام المسؤولية، منضر تيضر ف القلب والله وشركة فاشلة وموسخة ومعفنة، نموذج من التسيير والتديير لي تنعانيو منو ف مجالات مختلفة